Studentët nuk heqin dorë nga protesta për plotësimin e kërkesave të tyre.
Ata kanë marshuar drejt kryeministrisë dhe protesta ka filluar tashmë. Po priten nga momenti në moment të bashkohen edhe studentë nga rrethet e tjera të cilët janë nisur drejt Tiranës për t’ju bashkuar protestuesve.
Studentët po bëjnë thirrje me megafon përpara zyrës së Ramës duke i bërë të qartë atij se ata nuk do dorëzohen dhe nuk duan as dialog as negociata, por kërkojnë vetëm plotësim të 8 kërkesave.
Ata po marrin fjalën njëri pas tjetrit duke bërë secili thirrjet e veta. Ndërkohë ata kanë hedhur edhe tymuese me ngjyrë të gjelbër.
Protesta masive që po zhvillohet ka nxitur edhe strukturat e policisë të vihen në lëvizje.
Forcat e policisë kanë rrethuar Kryeministrinë rreth e rrotull saj për të qënë në gatishmëri për ҫdo gjë.
Siҫ duket, paralajmërimi i studentëve për protestën masive të cilët u shprehen që dje se do ketë bojkotim total mësimi dhe të gjithë do jenë në protestë, studentë, gjimnazistë, prindër dhe qytetar, ka bërë që forcat policore të shtohen dhe të pozicionohen më në afërsi të Kryeministrisë.
Shtrenjtim i ri për qytetarët/ ‘ONE Albania’ dhe ‘Vodafone’ rrisin tarifat, nën hetim për treg të mbyllur dhe çmime të sinkronizuara
Operatorët celularë në Shqipëri, ONE Albania dhe Vodafone Albania, po rrisin sërish çmimet për abonentët, duke ushtruar klauzolën e indeksimit...
