Një ngjarje e rëndë ka ndodhur në fshatin Grabian, të Divjakës. Xhaxhai ka përdhunuar mbesën e tij, e cila është vetëm 16 vjeçe.
Ngjarja ëshët transmetuar në televizionet shqiptare ku ka qenë vetë vajza e cila ka bërë denoncimin. Mësohet se 45-vjeçari tashmë është arrestuar nga policia dhe se kjo e fundit e kishte gjetur të fshehur në një zonë të pyllëzuar të Divjakës.
Fatmir Jonuzi është denoncuar nga mbesa e tij 16 vjeçe, për abuzim seksual. E mitura ka pak vite që ka humbur babanë dhe jetonte me gjyshen.
Adoleshentja i është nënshtruar ekspertizës mjekoligjore dhe pritet që rezultatet të dalin pas disa ditësh.
Në polici, e mitura ka rrëfyer se xhaxhai i vet kishte nisur ta ngacmonte që nga momenti kur kishte dalë nga burgu, ku i thoshte se ishte bërë shumë e bukur sidomos tani që ishte rritur.
16-vjeçarja është marrë në mbrojtje nga institucionet shtetërore të përkujdesjes duke e strehuar në një banesë sociale.
Sipas “gazetës panorama”, 45-vjeçari ka katër fëmijë, dy prej të cilëve janë të gruas nga një martesë e mëparshme.
Fqinjët e përshkruajnë 45-vjeçarin si person problematik, por thonë se nuk e kishin imagjinuar se do të arrinte deri në këtë pikë.
