Disa muaj më parë, policia goditi një bazë call centerash që mashtronin të huajt përmes investimeve të rreme në bursa, duke zbrazur llogaritë e viktimave.
Çuditërisht, kjo bazë mashtrimi ndodhej shumë pranë Drejtorisë së Policisë.
Pas operacionit, doli në pah që në krye të këtij rrjeti mashtrues ishte Arben Koçollari, një figurë e njohur në aktivitetet e pastrimit të parave dhe mashtrimit me Forex. Koçollari, i cili ka qenë objekt sulmesh me tritol për shkak të pazareve të prishura me grupe të tjera kriminale, mbështetet nga një grup ruso-izraelit.
Në këtë rrjet kriminal, përveç Koçollarit, janë përfshirë shtetas izraelitë dhe rusë të skeduar për aktivitetet e mashtrimit, trafikimin e organeve, eleminime dhe pastrim parash, si Nahum Ashurov, Serafima Abramovich, Boris Volfman, Robert Shpolinske dhe të tjerë.
Një tjetër aktore e rëndësishme e këtij skandali është Egla Gjinollari, e cila mban lidhjet për hapjen dhe mbylljen e kompanive të dyshimta dhe fantazmë, për të pastruar paratë nga aktivitetet kriminale.
Skandali me operacionin e policisë është dyfish: fillimisht, policia ka devijuar operacionin dhe ka shpëtuar Arben Koçollarin, dhe nga ana tjetër, për të mbrojtur bazat e tjera të mashtrimit, Koçollari ka rritur tarifën që paguan në Policinë e Shtetit, si garanci për aktivitetin e tij kriminal.
Asnjë call center i këtij lloji nuk mund të funksionojë pa mbështetje nga zyrtarë të policisë. Goditja ndaj bazës së Koçollarit ka shërbyer për të rritur tarifat mujore që ai paguan për mbrojtje, duke siguruar mbulim për bazat e tjera të mashtrimit që ndodhen në Tiranë.
