Protesta e sotme para Bashkisë së Tiranës është një tjetër përpjekje e qytetarëve për të shprehur pakënaqësitë e tyre kundër kryebashkiakut Erion Veliaj, duke kërkuar dorëheqjen e tij.
Protesta do të nisë në orën 11:00. Aksioni organizohet nga Aleanca për Mbrojtjen e Teatrit, ku do të jenë të pranishëm edhe përfaqësues nga PD-ja si dhe figura të njohura të artit, dhe vjen si reagim ndaj skandaleve të ndryshme që kanë përfshirë Bashkinë e Tiranës.
Në qendër të akuzave është afera e inceneratorëve dhe dosja “5D”, ku disa drejtorë të bashkisë janë arrestuar pas hetimeve të SPAK.
Edhe kryebashkiaku Veliaj është marrë në pyetje në lidhje me këtë aferë, ndërkohë që hetimet përfshijnë gjithashtu zyrtarë të tjerë të institucionit.
Qytetarët kanë theksuar se protesta e sotme është vetëm një prej shumë të tjerave, duke paralajmëruar se presioni ndaj Bashkisë do të vijojë deri sa të vihet drejtësi.
