Lulzim Basha, në një deklaratë nga parlamenti, iu përgjigj pyetjeve lidhur me hetimet për ngjarjen e 21 janarit, duke theksuar se “frikë duhet të kenë ata që kanë shkelur ligjin,” ndërsa ai vetë ka ndjekur gjithmonë rrugën ligjore.
Basha u shpreh se mbështet në mënyrë të pakushtëzuar SPAK-un (Struktura e Posaçme Antikorrupsion) dhe nënvizoi se kjo strukturë duhet të kryejë detyrën për të vënë përpara drejtësisë personat që kanë abuzuar me fondet publike.
Gjithashtu, ai kritikoi kryeministrin Rama dhe qeverinë, duke i akuzuar për sulme të hapura dhe të fshehura ndaj SPAK-ut dhe i bëri thirrje t’i japë fund këtyre sulmeve.
Basha tha se është i gatshëm të bashkëpunojë me SPAK-un nëse thirret për çështjen e 21 janarit apo ndonjë çështje tjetër, duke shtuar se mbështet heqjen e imunitetit për deputetët në mënyrë që të trajtohen si qytetarë të barabartë para ligjit.
