Ditën e djeshme u zhvillua seanca gjyqësore për Antonela dhe Mariela Berishës që dhunuan modelen Klea Prenga. Dy motrat dhunuan me një gotë qelqi 24-vjeçaren, duke i lënë shenja të pariparueshme në fytyrë.
Në një reagim në Instagram, Klea Prenga akuzon gjyqtaren e çështjes se i ka hedhur poshtë provat e sulmit ndaj saj.
“Është e papranueshme dhe e turpshme që gjyqtarja e rastit tim hodhi poshtë çdo provë të sulmit brutal ndaj meje, përfshirë videon e sulmit të tmerrshëm. Për më tepër, avokati im nuk u lejua të përfaqësojë plotësisht interesat e mia gjatë seancës gjyqësore. Dy kriminelet që duhej të ishin pas hekurave, janë të lira me një dënim qesharak për shkak të korrupsionit që tashmë ka kapur sistemin tonë të drejtësisë. Ky vendim është një fyerje për drejtësinë dhe për të gjithë ata që kërkojnë mbrojtje nga ligji. Nuk do të hesht kurrë përballë kësaj padrejtësie!”, shprehet ajo.
Më tej, nuk u kursye as ndaj gjykatëses së çështjes, duke publikuar një lajm për të:
“Çuditërisht emri i kësaj gjyqtareje rezulton edhe në skandale të tjera. Sa e kishte vlerën mëshira juaj zonja Migena Laska? Nuk mund të injorohen regjistrimet e kamerave ku duket qartë se si kriminelet vijnë me qëllim për të më sulmuar, një goditje brutale që mund të kishte përfunduar në humbjen e jetës sime”.
Më tej, rendit si një tjetër provë mesazhin kërcënues që kishte marrë nga Mariela Berisha:
“Gjithashtu, u hodh poshtë mesazhi kërcënues ku Mariela thotë qartë: “dhuratën e ke nga unë”, ndërkohë që sot pretendojnë se ishin në restorant thjesht për darkë. Ky është një skandal i pastër dhe unë nuk do të hesht! Shteti shqiptar duhet të marrë masat e duhura kundër këtij korrupsioni dhe padrejtësie. Drejtësia nuk mund të bëhet viktimë e kërcënimeve dhe manipulimeve!”, përfundon ajo.
Por ky nuk është rasti i parë që gjyqtarja Migena Laska akuzohet për vendime të dyshimta. Çështja që ka bërë më shumë bujë, është ajo e lirimit prej saj të Fatjon Muratit, i konsideruar si një eksponent krimi. Edhe pse ndaj tij rëndonin akuza të shumta, Murati u lirua nga Gjyqtarja Migena Laska.
Fatjon Murati u arrestua më 8 tetor 2022 nga Policia e Tiranës, pasi ishte shpallur në kërkim për arsenal armësh, të zbuluar më 13 korrik 2022. Murati ishte duke lëvizur në një makinë të blinduar, me Indrit Doklen dhe kunatin e tij, Gentian Ruçi. Murati u la në burg, ndërsa Dokle u lirua. Por ja që doli gjyqtarja Migena Laska, e cila liroi në heshtje nga burgu Fatjon Muratin. Laska i ndryshoi në heshtje masën e sigurisë Muratit, duke e lënë në arrest shtëpie. Prokuroria ka kërkuar që Murati të mbahej në burg, pasi i është gjetur gjurma e gishtit tek armët. Aq më tepër që Fatjon Murati ishte në kërkim ndërkombëtar që në 31 tetor 2015 për veprën penale të “Pranimit të mallrave të vjedhura”, “Posedim abuziv të armëve” dhe “Trafikim të lëndëve narkotike”. Në prill 2016 Gjykata e Venecias urdhëroi arrestimin e tij për “Pjesëmarrjes në krime” dhe në korrik 2017, autoritetet gjyqësore të Padovas e raportuan për veprën penale të “Trafikimit të kokainës”. Gjithashtu, Fatjon Muratit i është sekuestruar një pasuri me vlerë mbi 5 milionë euro. Kujtojmë se pas vendimit të gjyqtares Laska, ngjarje të tjera kriminale u shënuan në Tiranë. Kjo pasi në Mars të vitit të kaluar, pikërisht një atentat që kishte për objektiv pikërisht lokalin e Murataj, i mori jetën një qytetareje të thjeshtë, e cila punonte në banakun e lokalit. Për gjyqtaren Migena Laska akuza ka ngritur edhe deputetja e PD, Albana Vokshi, e cila e ka akuzuar gjyqtaren se është e shitur
