Në seancën e sotme plenare, ai që ka mbajtur fjalën e tij në foltore ka qenë deputeti Myslim Murrizi.
Lidhur me ndryshimet që po bëhen në Kodin Penal, deputeti i ka komentuar se ato po bëhen në interesin e të dyja palëve të mëdha politike, e në veçanti mazhorancës. Sipas tij kjo ndodh në kurrizin e më të varfërve të shoqërisë.
Murrizi theksoi se janë propozuar 22 ligje për ndryshim. Po ashtu shumë nene do të ndryshohen, por për të më mirë do të ishte miratimi i një Kodi të ri Penal.
“Ndoshta jemi i vetmi vend që mbajmë nga 1995 mbajmë të njëjtin Kod Penal dhe bëjmë arnime sipas interesave të shumicës parlamentare që ka qenë në këtë sallë. Për pazare të pista të politikës kemi ndryshuar 2 herë Kushtetutën.
E fundit ishte me marrëveshjen e 2008, e cila u bë 10 vjet më parë. Kjo maxhorancë nuk hiqka dorë nga ai sistem bastard, që sjell në parlament njerëz që s’kanë lidhje me problemet që kanë përditë qytetarët”, tha ai.
Murrizi ka komentuar edhe nenet në lidhje me bixhozin dhe lojërat e fatit. Ai ka akuzuar edhe deputetët e tjerë në sallë se ata vetë vetë vënë llotari se luajnë kazino jashtë vendit si në Budva e Monte Karlo. Akuzat e tij kanë shkuar më tej ku ka thënë se bixhoz luajnë me paratë e koncesioneve. Sipas tij ky Kod Penal është kafshëror.
Ajo që duhet të bëjë kjo politikë është që të sigurojë që të rinjtë të mos detyrohen të ikin jashtë vendit, ndaj duhen bërë ndryshimet në nene e Kod, për këto arsye.
“Kemi bërë Kod Penal që mos të luhet lotari. Keni hequr lotaritë nga sipërfaqja dhe i keni çuar në bodrum. Ka vite që jeni shkëputur nga realiteti. Ikni në Budva e Monte Karlo. Bixhozin ju e luani me paratë e koncesioneve. Ky është Kod Penal kafshëror. Luani jashtë dhe thoni t’i ndalojmë edhe këta. Goditja për zyrtarët iu thoni që t’i mbrojmë. Dakord jam.
Ama më së pari duhet që të shikojmë që të siguroni që ata mos të ikin jashtë. Sepse gjithçka ndodh nga fukarallëku. Grushti ndodh, sepse mjeku kërkon ndonjë lek, prishen pazaret dhe prandaj vjen puna te sherri. Uroj të hiqni këtë problem. Ju doni burg për ata që i prishin qetësinë partisë. Ndryshimet në 22 kode, më mirë do të ishte që të bënit Kod të ri.
Ju po i shkelni syrin opozitës që t’iu vijë pas avazit prapë. Ndryshimet është kod për hallexhinjtë, për fakirët, për ata që ka 29 vjet që politika i mashtron”, deklaroi ashpër deputeti Murrizi.
