Policia italiane ka sekuestruar një ngarkesë prej 148 kilogramësh lënde narkotike të llojit kokainë, e cila u gjet e fshehur në një kontejner të mbushur me banane në portin e Livornos. Një skaner identifikoi 139 “tulla” brenda kontejnerit, ndërkohë korrierët e drogës ishin pozicionuar dhe prisnin orë të tëra për të marrë ngarkesën.
3 shqiptarë, të paidentifikuar me emër, kishin hyrë në portin e Livornos për të marrë “mallin”, por u kapën dhe arrestuan nga Policia. Sipas mediave italiane, shqiptarët nuk kanë bërë rezistencë dhe janë arrestuar.
“Ata nuk janë banorë të Italisë, nuk kishin dokumente dhe ishte e vështirë për t’i identifikuar. Dy janë vëllezër. Do merrnin shpërblik disa mijëra euro nëse grumbullimi i ngarkesës do të ishte i suksesshëm,”-shkruajnë mediat italiane.
