Disa të shtëna me armë zjarri kanë tronditur dje Shkodrën, por fatmirësisht nuk ka pasur të lënduar në njerëz. Viktor Marku ka qëlluar me armë zjarri drejt disa personave të paidentifikuar, në afërsi të bustit të Prekë Calit në Shkodër. Ende nuk dihet se kush janë personat e tjerë, ose motivi se përse Marku qëlloi me armë zjarri.
Por dihet se u kanë shpëtuar mrekullisht plumbave vetëm sepse janë larguar me shpejtësi sapo Marku nisi që të qëllonte në drejtim të tyre.
Për të sqaruar rrethanat e ngjarjes, Policia e Shkodrës ka shoqëruar autorin dhe dy persona të tjerë, vëllanë e tij dhe djalin e xhaxhait.
