Shembja e një godine banimi ka shkaktuar një tragjedi në zonën e Napolit në Itali. Ngjarja ka ndodhur mbrëmjen e djeshme në lagjen Scampia, ku si pasojë e shembjes së një ndërtese, 2 persona humbën jetën, dhe 13 të tjerë mbetën të plagosur, duke përfshirë shtatë fëmijë. Dy prej të plagosurve janë në gjendje kritike pëe jetën. Shembja e ndodhur në katin e tretë ka përfshirë edhe galeritë e katit të dytë dhe të parë. Zjarrfikësit pasi kanë gërmuar rrënojat kanë përfunduar evakuimin e kateve të sipërme.
Policia ka nisur hetimet për këtë rast. Asnjë hipotezë nuk përjashtohet, por më e besueshme është ajo e një dështimi strukturor, por për të qenë të sigurt do të duhet të kryhen kontrollet nga zjarrfikësit. Menjëherë pas shembjes, e cila ndodhi rreth orës 23:00, shumë njerëz u derdhën në rrugë mes panikut të shembjeve të mëtejshme dhe frikës për personat e që gjendeshin nën rrënoja. Mjete të shumta të emergjencës kanë mbërritur në vendngjarje me disa autoambulanca të cilat i kanë dërguar të plagosurit në spital.
Vela Celeste ishte një nga godinat e fundit të mbetura në këmbë në këtë zonë, pasi godina të tjera, që kanë qenë të amortizuara ishin shembur qëllimisht, për t’iu siguruar një jetesë më dinjitoze banorëve.
