Një 56-vjeçare me origjinë shqiptare u gjet pa ndjenja në zonën detare të plazhit të Artemidës pasditen e së shtunës. Sipas burimeve, Autoriteti Portual i Rafinës u njoftua menjëherë për ngjarjen. Rojet e plazhit i dhanë ndihmën e parë, ndërsa më pas ajo u transportua me urgjencë në Spitalin e Përgjithshëm të Athinës “KORGIALENIO – BENAKEIO E.E.S.”, ku u konstatua vdekja e saj.
Autoriteti Qendror Portual i Rafinës ka nisur hetimet paraprake dhe ka urdhëruar kryerjen e një autopsie në Laboratorin e Mjekësisë Ligjore dhe Toksikologjisë të Universitetit të Athinës për të përcaktuar shkaqet e vdekjes. Hetimet vazhdojnë për të hedhur dritë mbi rrethanat e ngjarjes tragjike.
