Një 29-vjeçar është arrestuar nga policia e Durrësit pas një aksidenti që rezultoi fatal për një të moshuar.
Sipas njoftimit zyrtar të policisë, aksidenti ndodhi rreth orës 11:00 të datës 15 qershor 2024, në lagjen nr. 13 të qytetit. Si pasojë e aksidentit, humbi jetën 77-vjeçari Z. K. Hetimet e kryera në bashkëpunim me Prokurorinë e Durrësit çuan në ndalimin e shtetasit A. S., 29 vjeç, banues në Tiranë. Ai akuzohet për shkelje të rregullave të qarkullimit rrugor me pasojë vdekjen dhe largim nga vendi i aksidentit.
Gjatë hetimeve, A. S. deklaroi se në momentin e aksidentit, automjeti drejtohej nga vëllai i tij, M. P., 25 vjeç. Pas kësaj deklarate, policia ndaloi edhe vëllain e tij për të verifikuar rrethanat e ngjarjes.
Policia njoftoi se vijojnë veprimet hetimore për të individualizuar përgjegjësinë penale të të dy personave të përfshirë. Materialet procedurale i janë dërguar Prokurorisë për veprime të mëtejshme.
