Kryeministri i Shqipërisë, Edi Rama, ka shprehur urimet për Roberta Metsola, e cila u rizgjodh sot si Presidente e Parlamentit Evropian. Në një postim në rrjetin social X, Rama theksoi rëndësinë e kësaj rizgjedhjeje për Bashkimin Evropian dhe për Shqipërinë.
“Urime të ngrohta për Roberta Metsola, për rizgjedhjen e saj si Presidente e Parlamentit Evropian. Ripërtëritja e besimit nga Shtëpia Evropiane e Demokracisë me 562 vota të jashtëzakonshme është një dëshmi e lidershipit, energjisë dhe vizionit të saj të besueshëm në krye të një prej institucioneve kyçe të Bashkimit Evropian në kohët aktuale sfiduese për të gjithë,” shkroi Rama.
Kryeministri gjithashtu theksoi rëndësinë e këtij lajmi për rajonin dhe për Shqipërinë. “E dashur Roberta, rizgjedhja juaj është gjithashtu një lajm shumë i mirë për rajonin tonë dhe #Shqipëria pret të vazhdojë të punojë ngushtë me ju për të forcuar marrëdhëniet me BE-në, për të mbështetur dhe mbrojtur vlerat e përbashkëta evropiane, si dhe sigurinë, prosperitetin dhe solidariteti i një Unioni të cilit i përkasim dhe punojmë çdo ditë për të qenë pjesë.”
Roberta Metsola, e cila ka fituar 562 vota, vazhdon të udhëheqë Parlamentin Evropian në një periudhë sfiduese, duke reflektuar besimin e anëtarëve të tij në lidershipin dhe vizionin e saj për të ardhmen e Bashkimit Evropian.
