Mbledhja e sotme e Komisionit Hetimor për të dhënat e sistemit TIMS u mbyll me thirrjen e fundit të dëshmitarit, ish-drejtorit të Autoritetit Kombëtar për Sigurinë e Informacionit të Klasifikuar, Dorian Tola. Sipas kryetarit të komisionit, Ervin Salianji, dëshmitë e marra deri më tani, sidomos ato të zyrtarëve të lartë, kanë qenë kontradiktore, duke lënë shumë hapësirë për hetime të mëtejshme.
Salianji ka theksuar se gjatë procesit hetimor “kanë dalë të dhëna të llahtarshme që duhen të thellohen dhe analizohen më tej”. Këto të dhëna, sipas tij, implikojnë persona të ndryshme, të cilat “s’duhet të shmangen nga hetimi”. Për këtë arsye, ai ka bërë thirrje për zgjatjen e afatit të punës së komisionit, duke argumentuar se ka nevojë për më shumë kohë për të mbledhur të gjitha dëshmitë e nevojshme dhe për të nxjerrë konkluzionet e duhura.
Komisioni Hetimor do të mbledhë së shpejti për të vlerësuar kërkesën e Salianjit për zgjatjen e afatit të punës. Nëse kërkesa aprovohet, hetimi do të vazhdojë me thirrjen e dëshmitarëve të rinj dhe analizën e të dhënave të mëtejshme.
