Kryeministri i Greqisë, Kyriakos Mitsotakis, ka folur rreth çështjes së Fredi Belerit, i cili, edhe pse është në burg në Shqipëri, u zgjodh eurodeputet. Mitsotakis theksoi rëndësinë e pranisë së Belerit në Parlamentin Evropian për të marrë zyrtarisht detyrën e tij dhe për të marrë pjesë në votimin për Presidentin e ardhshëm të Komisionit Evropian.
“Patëm rastin të diskutonim këtë çështje në takimin e Partisë Popullore Evropiane dhe e bëmë këtë sepse ishte e pranishme edhe kryetarja e Parlamentit Evropian, znj. Metsola. Shikoni, e marr si të mirëqenë, që Fredi Beleri do të jetë në Strasburg për të marrë zyrtarisht detyrën e tij si eurodeputet dhe padyshim do të marrë pjesë edhe në votimin jashtëzakonisht vendimtar për zgjedhjen e Presidentit të ardhshëm të Komisionit Evropian,” tha Mitsotakis.
Kryeministri grek shtoi se ishte krejtësisht e arsyeshme dhe e vetëkuptueshme që Beleri të jetë i pranishëm në këtë proces të rëndësishëm. Ai gjithashtu paralajmëroi se nëse Shkupi insiston në një linjë të caktuar, kjo mund të bëjë jashtëzakonisht të vështirë, nëse jo të pamundur, çdo proces të integrimit në BE.
