Trajneri i Kombëtares së Portugalisë, Roberto Martinez, ka folur në një konferencë shtypi para ndeshjes kundër Gjeorgjisë në Euro 2024, duke ndarë mendimet e tij për kundërshtarët dhe për rolin e Cristiano Ronaldos në ekip.
Martinez filloi duke kujtuar disa momente të veçanta nga e kaluara. “Është bukur të kujtosh disa kujtime, ka pasur lojtarë që janë gjithmonë shumë të këndshëm të kujtohen,” tha ai. Ai vlerësoi ekipin gjeorgjian dhe theksoi respektin e tij për trajnerin dhe lojtarët e tyre. “Mendoj se tani ka disa lojtarë që përfaqësojnë aftësinë për të depërtuar në mbrojtjet kundërshtare. Ata janë një ekip i shkëlqyer dhe mënyra se si u kualifikuan ishte fantastike. Ne kemi shumë respekt për Gjeorgjinë dhe atë që trajneri po ndërton. Ata kanë disa individualitete që i japin një dhunti të veçantë ekipit,” u shpreh Martinez.
Sa i përket Cristiano Ronaldos, Martinez konfirmoi se kapiteni do të jetë në formacionin startues. “Mund të them që kapiteni do të jetë në njëmbëdhjetëshen startuese. Është e rëndësishme. Sezoni i tij ishte shumë i qëndrueshëm dhe ai luajti të gjitha ndeshjet, duke arritur shumë minuta. Për të ruajtur ritmin e garës, nuk është mirë të ndalemi dhe të riaktivizojmë pas gjashtë ditësh. Kapiteni dhe Diogo Costa janë në njëmbëdhjetëshe,” deklaroi ai.
Martinez gjithashtu adresoi incidentin e një tifozi që hyri në fushë për të bërë një selfie me CR7. “Ai është një lojtar ekspert, ka mbi 20 vjet në kombëtare. Ai i njeh shumë mirë tifozët. Jo vetëm tifozët e kombëtares, por edhe futbolli në përgjithësi. Pushtimi i fushës nuk është pjesë e lojës që duam ta shohim,” përfundoi ai.
