Policia spanjolle ka arrestuar një shqiptar i cili ka aksidentuar dy persona e më pas ka ushtruar dhunë fizike ndaj tyre. Ngjarja ka ndodhur më 27 prill, rreth orës 21:00 në zonën e quajtur Argon Avenue në Valencia, kur një automjet me shpejtësi ju afrua një motoçiklete të marrë me qira dhe shoferi ka ushtruar dhunë ndaj tyre.
Gjithashtu kanë qenë kalimtarët ata që kanë ndihmuar të rinjtë dhe kanë lajmëruar Policinë. Ndërsa personat e aksidentuar kanë pësuar lëndime dhe djegie, njëri prej tyre ka frakturë në qafë dhe këmbë, duke u shtruar në spital.
Ndërkohë autoritete kanë nisur hetimet për zbardhjen e fakteve dhe pas punës shteruese u identifikua si mjeti ashtu edhe pronari i tij. Më pas, autoritete gjetën autorin, i cili u arrestua për veprën penale të vrasjes në tentativë dhe një tjetër kundër sigurisë në komunikacion.
