Partia Demokratike ka bërë një tjetër kallëzim në Prokurorinë e Posaçme Antikorrupsion (SPAK), ndaj kryebashkiakut të Tiranës, Erion Veliaj. Në këtë kallëzim përfshihet edhe kryetari i Bashkisë së Matit, Agron Malaj dhe bëhet fjalë për hotelin “La Brisa” në Dhërmi që lidh të dy kryebashkiakët. Në kallëzim kërkohet vendosja nën sekuestro e këtij hoteli që do të çojë në hetim të Veliajt dhe Malajt pasi ka dyshime për burimin e të ardhurave. Dokumentet u dorëzuan në SPAK nga avokatja Adriana Kalaja në emër të PD.
“Dyshohen se kanë kryer vepra të rënda penale që lidhen me korrupsionin pasiv të zyrtarëve të lartë dhe përfitimi i paligjshëm që ka bërë vëllai i Agron Malajt, në cilësinë e ortakut me katër kompani që ne kemi denoncuar më herët”, thuhet në deklaratë.
DEKLARATA E PLOTË:
Drejtori i UKT-së Tiranë dhe kreu i Bashkisë së Tiranës, Erion Veliaj…, ne kemi çmuar se përmbushen të gjithë hapat për të bërë një kallëzim penal shtesë dhe kundër Bashkisë së Matit, të cilët dyshohen se kanë kryer vepra të rënda penale që lidhen me korrupsionin pasiv të zyrtarëve të lartë dhe përfitimi i paligjshëm që ka bërë vëllai i Agron Malajt, në cilësinë e ortakut me katër kompani që ne kemi denoncuar më herët.
Kemi sjellë në vëmendje të SPAK-ut megjithëse këto shkelje shumë të rënda në buxhetin e bashkive respektive janë evidentuar dhe nga KLSH, që ne e kemi referuar dhe organi hetimor nuk ka marrë asnjë masë që lidhet me avancimin e mëtejshëm të konsumimit të këtyre veprave penale.
Ne i kemi kërkuar SPAK-ut të sekuestrojë hotelin ‘La brisa’ në Dhërmi, po ashtu kemi kërkuar ngritjen e një grupi hetimi që të gjejë burimin e të ardhurave që është ngritur ky hotel dhe kemi kërkuar një analizë të hollësishme për tenderët që ka përfituar vëllai i Malajt në Bashkinë e Tiranës.
Akuzat e PD ndaj Veliajt dhe Malajt
Kujtojmë se më herët PD ka ngritur disa akuza ndaj Veliajt dhe Malajt. Në dokumentet e publikuara nga demokratët nënvizohet se të dy dyshohet se kanë konsumuar veprat penale të korrupsionit dhe përfitimit të paligjshëm të tenderëve. Kallëzimi lidhet me ndërtimin e hotelit “La Brisa” në Dhërmi, ku janë të përfshirë edhe drejtorët e Veliajt. (lexo këtu)
Malaj dyshohet se ka përfituar nga fondet publike në mënyrë të drejtpërdrejtë ose përmes familjarëve të tij. Duke kërkuar hetim nga SPAK, PD kallëzon se Malajn ka përfituar me anë të vëllait të tij Fatos Malaj, i cili zotëron 5 shoqëri tregtare.
Siç është denoncuar edhe nga Këlliçi para pak kohësh, Fatos Malaj së bashku me Elvin Tivarin kanë investuar 1,8 miljonë euro për ndërtimin e La Brisa. Rezulton se kompania “La Brisa”, dhe hoteli me Dhërmi mban të njejtin emër ,i detyrohet një shumë prej 630 mije eurosh një nenkontraktori “ABG ndertim”. Kompani ABG është blerë në vitin 2021 nga Durim Mustafa. Ky i fundit ka punuar si drejtor drejtorie në UKT Tiranë, njëkohësisht është dhe pjesë përbërëse e komisionit të ofertave.
