Një ngjarje e rëndë ndodhi mëngjesin e sotëm në Tiranë, ku avokati i ish-kryeministrit Sali Berisha, Sokol Mëngjesi u dhunua nga 3 persona. Ndërkohë detaje të reja kanë dalë në lidhje me ngjarjen ku mësohet sipas dëshmitareve okularë, që në momentin që Mëngjesi është sulmuar nga agresorët dhe është goditur, ai ka tentuar që të largohet, por ka rrëshqitur dhe ka goditur kokën në trotuar.
Pas aktit të dhunës, autorët janë larguar nga vendi i ngjarjes. Nga sekuestrimi i pamjeve të kamerave të sigurisë është parë se avokati i ka njohur autorët pasi fillimisht komunikon me ta, më pas ata e kanë qëlluar edhe me sende të forta.
Avokati ndodhet në spital në gjendje të rëndë me fraktura në kokë, ndërkohë që policia po punon për kapjen e autorëve të dyshuar.
