Tre shtetas shqiptarë janë arrestuar në Greqi, të akuzuar për posedim të drogës dhe armëmbajtje pa leje. Ata janë Memisha Memaj dhe i biri Petraq Memaj nga Vlora, përkatësisht 59 dhe 33 vjeç, si dhe Juljan Cami, 27 vjeç.
Arrestimi u bë gjatë një operacioni policor kundër drogës në një banesë në rrugën “Metanaston” në Vari të Athinës. Në këtë banesë policia gjeti dhe sekuestroi sasi të mëdha droge dhe armë, përfshirë 25 kg marijuanë, mbi 1 kg hashash, vaj hashashi, një pistoletë “Beretta”, fishekë, para cash dhe pajisje të tjera.
Gjithashtu është shpallur në kërkim një tjetër anëtar i familjes, Stavro Memaj, 30 vjeç, i dyshuar për përfshirje në këtë rrjet kriminal. Hetimet vazhdojnë për të identifikuar të tjerët e përfshirë.
