SPAK ka nisur një operacion të madh për kapjen e kontingjenteve të krimit, duke lëshuar 50 urdhër-arreste. Ky aksion i rëndësishëm po zhvillohet në disa qytete të Shqipërisë, përfshirë Tiranën, Vlorën, Lezhën, Fushë-Krujën, Nikëlin dhe Kurbini.
Një nga të arrestuarit është biznesmeni i njohur nga Velipoja, Mir Bruli. Ai u prangos në orët e para të mëngjesit nga forcat e shumta policore. Bruli, i dyshuar për veprimtari kriminale, është një i afërm i biznesmenit Pëllumb Gjoka, i arrestuar më parë si pjesë e dosjes “Metamorfoza”.
Pak kohë më parë, një prej bizneseve të tij në pjesën e Vilunit në plazhin e Velipojës u shemb nga IKMT si ndërtim pa leje. Mir Bruli është i njohur për bizneset e tij në plazhin e Velipojës, duke përfshirë lokale, restorante dhe hoteleri. Arrestimi i tij shënon një hap të rëndësishëm në përpjekjet e SPAK për të luftuar krimin e organizuar.
Në mbështetje të SPAK kanë qenë edhe forcat e policisë vendore të Shkodrës, të cilët kanë finalizuar operacionin nën drejtimin e SPAK. Kontrollet janë zhvilluar edhe në banesat dhe pronat e disa personave të tjerë të dyshuar për krime të rënda në Nikël, Vlorë dhe fshatin Larushk.
Prokurorët Alfred Shehu dhe Altin Dumani po drejtojnë hetimet dhe kontrollet. Deri tani, janë ekzekutuar 8 nga 50 urdhër-arreste, duke përfshirë edhe disa arrestime brenda qelive të burgut.
