Deputeti Tritan Shehu ka kërkuar një interpelancë me kryeministrin Edi Rama për njohjen dhe dënimin e gjenocidit serb në Kosovë gjatë luftës. Kryeministri nuk ishte i pranishëm në seancën e Kuvendit për shkak të pjesëmarrjes së tij në samitin e Liderëve të Ballkanit Perëndimor dhe Bashkimit Europian në Malin e Zi, që u mbajt në Kotor.
Interpelanca u delegua tek ministrja Elisa Spiropali. Shehu kritikoi këtë veprim, duke thënë se “në rregullore nuk shkruhet se delegohet interpelanca”. Ai shtoi: “Kryeministri nuk do të japë përgjigje për çështjen, të mos ballafaqohet. Unë kam qenë dakord edhe të shtyhet pak nëse e ka të pamundur të jetë tani”.
Shehu gjithashtu theksoi situatën në rajon dhe rivitalizimin e metodave ultranacionaliste, duke përmendur Rusinë dhe agresionin e saj. Ai pyeti nëse qeveria ishte gati të asistojë Kosovën në përpunimin e materialit dhe dërgimin e tyre në organizma ndërkombëtare. “Apo me pasivitetin tuaj doni të kontribuoni në varrosjen e së vërtetës?”, përfundoi ai.
