Vijojnë kërkimet për kapjen e autorit të autori të dyshuar të vrasjes së efektivit të ‘Shqiponjave’, Novruz Cenaliajt. Policia e Fierit, FNSH dhe RENEA, po kryejnë kontrolle me dron dhe me qen në fshatin Sulaj, vendi ku dyshohet se është fshehur autori. Kontrolle janë kryer edhe në shtëpinë e Asllan (Azgan) Mernica dhe raportohet se janë shoqëruar në komisariat edhe prindërit e tij.
Deri tani është sekuestruar edhe makina e autorit tip ‘Audi’, ngjyr blu, i cili e ka braktisur dhe më pas është larguar. Ekspertët kanë sekuestruar kamerat, për të verifikuar dinamikën e ngjarjes. Po ashtu postoblloqe janë ngritur edhe në Vlorë me qëllim kapjen e autorit, i identifikuar si Asllan (Azgan) Mernica.
