Kryeministri Edi Rama, gjatë mbledhjes së grupit parlamentar të PS, deklaroi se kushdo që lufton për të vërtetën dhe të mirën e vendit, ka mbështetjen e tij. “Kushdo që lufton për qëllime të përbashkëta, ka mbështetjen time dhe më ka në krah kurdoherë që do të sulmohet,” tha ai.
Rama shtoi se ata që përfshihen në korrupsion kanë mbështetje vetëm avokatin, jo partinë. “Kush gabon duke menduar se do të bëjë një rrugë dhe dy punë, s’do të më ketë mua në krah dhe PS, por vetëm avokatin e vet,” theksoi Kryeministri.
Duke përmendur punën e tij me 40 ministra gjatë 10 viteve të fundit, Rama theksoi: “Unë nuk lëshoj vetëm djalin e vogël në ndonjë shkëmb mbi det kur do të hidhet. Por nuk mbaj asnjë burrë kur vjen ora të hidhet.”
Ai kritikoi ata që përpiqen të luftojnë kundër historisë dhe shqiptarëve, duke përmendur ministrat e PS që janë akuzuar apo dënuar. “Por t’i bësh të gjithë pis dhe t’i quash të gjithë hajdutë dhe t’i bësh shembuj të drejtësisë!” përfundoi Rama.
