Personi në foto është Thoma Mastora, 69 vjeç është autori i dyshuar i vrasjes së çiftit Kosta dhe Kleoniqi Ilia, 84 dhe 88 vjeç. 69-vjeçari ditën e ngjarjes ka shkuar në banesën e çiftit të të moshuarve, aty ku dyshohet se edhe ka pirë kafe me këto të fundit dhe më pas i ka vrarë me sende të forta. Krimi ka ndodhur pas një konflikti të çastit mes autorit dhe të moshuarit Kosta Ilia. Për zbardhjen e ngjarjes Policia raporton se u pyetën 35 persona.
Për Policinë Mastora nuk është një person i panjohur pasi më herët, ka qenë më parë i dënuar për vjedhje. Gjatë kontrollit të banesës së 69 vjeçarit, shërbimet e Policisë gjetën dhe sekuestruan në cilësinë e provës materiale sendin e dyshuar të krimit, një sasi municioni luftarak, një mjet prerës, dhe prova të tjera që janë dërguar për egzaminim në Institutin e Policisë Shkencore.
