Ka precipituar në përplasje mes qytetarëve dhe forcave të policisë, protesta para Bashkisë Tiranë. Protestuesit kanë hedhur sende të forta dhe tentuan të çajnë kordonin, ndërkohë që policia ka përdorur gaz lotsjellës për ti shpërndarë. Kreu i Grupit Parlamentar të PD, Gazment Bardhi akuzoi forcat e policisë për shkelje flagrante, pasi këshilltarët bashkiakë nuk lejohen të futen në godinë.
Sipas tij përplasja mes disa prej protestuesve dhe efektivëve të policisë ka ardhur pikërisht prej këtij veprimi.
“Ju keni parë çfarë ka ndodhur, Policia nuk lejon këshilltarët bashkiakë të futen në godinë dhe zyrat e tyre. Kjo ka sjellë situatën që ju patë. Po mbrojnë paligjshmërinë. I kërkova të tërhiqnin forcat e rendit nga përplasja me qytetarët”, tha ai.
