Gjuha angleze si dhe gjuha shqipe po fitojnë një vend të rëndësishëm në Zvicër. Aktualisht, gjuha shqipe konsiderohet si një nga gjuhët më të njohura në Zvicër. Zyra Federale e Statistikave njoftoi së fundmi se për herë të parë në më shumë se 10 vjet, më shumë njerëz në Zvicër flasin shqip sesa portugalisht.
“Jo vetëm kaq, por edhe gjuha angleze po “kërcënohet” nga gjuha shqipe,”- transmeton Le Canton27.ch.
Christophe Freymond nga Enti Federal i Statistikave deklaroi se “numri i shqiptarëve është rritur ndjeshëm në krahasim me komunitetet e tjera.” Edhe pse çdo vit qindra prej tyre natyralizohen, pra marrin pasaporta zvicerane. Sipas Zyrës Federale, sot në Zvicër jetojnë dhe punojnë mbi 300.000 shqiptarë, por shumica dërrmuese e tyre janë nga Kosova.
Autoritetet njoftojnë se mbi 100.000 shqiptarë tashmë janë natyralizuar dhe kanë pasaporta zvicerane.
59.5% e banorëve të qyteteve zvicerane deklarojnë gjermanishten si gjuhën e tyre kryesore. Nga pjesa tjetër, 22.8% frëngjishten. Nëse marrim parasysh gjuhët jokombëtare, shohim se anglishtja është zhvilluar ndjeshëm, duke përbërë sot gjuhën e tretë kryesore prej 8,1% të popullsisë rezidente, madje duke ia kaluar italishtes me 8%. Në përqindje, kjo do të thotë se 3,4 për qind e qytetarëve të Zvicrës flasin shqip.
