Mbledhja e sotme në Komisionin Hetimor për Shëndetësinë u karakterizua nga debate të ashpra dhe tensione të larta, siç ishte edhe e pritshme. Gjatë kësaj mbledhje, ku çështje të ndryshme ishin në diskutim, u vu re një moment tensioni kur anëtarët e mazhorancës kërkuan të flisnin.
Kryetarja e komisionit, Albana Vokshi, në një përpjekje për të ruajtur balancën në diskutim, u përgjigj duke theksuar se duhet t’i jepet përparësi grave për të folur. “Tua lëmë radhën zonjave,” tha ajo, një qëndrim që shkaktoi reagime nga anëtarët e mazhorancës.
Petro Koci, një nga anëtarët e mazhorancës, akuzoi Vokshin për mungesë të paanshmërisë: “Por kanë folur tre nga ana tjetër. Ti nuk je e paanshme vetëm nëse ke ikur nga PD. PD quhesh ti…” duke iu referuar partisë së Vokshit, Partia Demokratike.
Edmond Spaho, një tjetër anëtar i komisionit, u përpoq të qetësonte situatën duke kujtuar rregullat dhe procedurat: “Rendi i ditës ka 2 javë që ju është bërë i ditur. Edhe nëse keni pasur ndonjë rezervë për rendin kishit kohë të kontaktonit zonjën Vokshi. Ta lësh për ta diskutuar këtu nuk është normale. Të vijojmë me rendin.”
