Garda Civile ka “shkatërruar” një organizate kriminale që merrej me trafikun e drogës në Valencia. Në total janë arrestuar 5 persona, mes të cilëve kreu i organizatës dhe 2 të tjerë janë duke u hetuar për krime të ndryshme. Gjatë kontrolleve janë sekuestruar pothuajse 1 ton kanabis. Vlera totale e materialeve të sekuestruara (makineri, aparatura, automjete) arrin në 420.000 euro.
Operacioni ‘SERVANA‘ nisi në nëntor të vitit të kaluar, kur agjentët mësuan për kryerjen e një sërë sjelljesh kriminale, të cilat i shtynë të viheshin në gjurmët e një grupi kriminal me bazë në zona të ndryshme të provincave të Valencias. Hetuesit konstatuan se bëhej fjalë për një organizatë të strukturuar në mënyrë perfekte me origjinë shqiptare, me metodologji kriminale të mirëpërcaktuar.
Për të përshpejtuar rritjen e bimëve ata kishin llamba të gjeneratës së fundit. Për të mos u zbuluar, ata kishin kondicionerë të shumtë industrialë që evakuonin erën e substancave. Nisur nga vëllimi i energjisë që u nevojitej, ata kishin krijuar instalime dritash trefazore, të cilat do t’i lidhnin me rrjet elektri të paligjshëm, duke gjeneruar humbje të mëdha energjie.
Në fund të muajit shkurt u krye faza e parë e operacionit policor, ku u kryen 2 kontrolle, njëri prej tyre në një magazinë industriale në Xeresë dhe një tjetër në një banesë në plazhin e Gandisë. Një muaj më vonë, u krye një fazë e dytë, në të cilën u regjistrua edhe një magazinë tjetër industriale në Rótova. Nga të dyja aksionet është sekuestruar pothuajse një ton kanabis sativa, duke evidentuar sekuestrimin e 308 kilogramëve syth në proces tharjeje.
