Shyqyrie Selaj, gjyshja e një djali trevjeçar që është larguar nga shtëpia me nënën e tij, Bahrije Gjunin, bën thirrje për ndihmë për gjetjen dhe kthimin e fëmijës te nëna e tij. Selaj tregon se Bahrija kishte ardhur në shtëpinë e tyre në Has të shtunën dhe qëndruan aty gjatë natës. “Të shtunën erdhi vajza këtu me gjithë fëmijë. Qëndroi atë natë. Gjë nuk më tha. Rrinte e mërzitur,” shprehet Shyqyrie Selaj. Ajo vazhdon të tregojë se Bahrija, e cila ka humbur bashkëshortin në një aksident një vit e gjysmë më parë, është larguar me fëmijën pa lënë njoftime pasi Selaj kishte dalë për të kullotur bagëtitë.
Kur u kthye dhe vuri re mungesën, Selaj pyeti për Bahrijen dhe fëmijën, por askush nuk dinte diçka. “Nesër u çua Arbeni të shohë shtëpinë. Dolëm me lopë e kur erdhëm pyeta ku është Bahria dhe ata nuk kishin dijeni,” thotë ajo. Me zë të ndjerë, Selaj bën apel për ndërhyrjen e menjëhershme për të siguruar kthimin e sigurt të fëmijës tek nëna e tij, duke shprehur frikën e saj se fëmija mund të jetë marrë nga dikush tjetër: “Nuk e di se kush e ka marrë. Nëna kërkoj që një sahat e më parë fëmija të mos merret nga askush.”
