Gruaja që shihni në foto është Gjyljeta Ukella, e cila u vra nga bashkëshorti i saj Edmond Lajçi, ngjarje e ndodhur mëngjesin e kësaj të marte në Pejë.
Në një njoftim në Facebook, Drejtoria e Shëndetësisë dhe Mirëqenies Sociale në Pejë, shpreh ngushëllimet, ndërsa e cilësojnë atë si një grua punëtore dhe të urtë. Gjyljeta punonte si asistente në stomatologji, prej 20 vitesh.
Autori i krimit të rëndë ka qenë i dënuar më parë për dhunë në familje. Ai është dorëzuar në Polici ku do të merret në pyetje për rrethanat e ngjarjes.
Ky është rasti i dytë në Kosova brenda disa ditëve. Disa ditë më parë Valon Aliu ka vrarë ish-bashkëshorten e tij Erona Cokli, shkak u bë kujdestaria e fëmijës.
