Policia italiane ka arrestuar në 47-vjeçar shqiptar për drogë. Ai u arrestua në një provincë të Vareses.
Shqiptari kishte fshehur poshtë krahut 4 doza me heroinë, secila nga 500 gramë. 47-vjeçari shqiptar tregohej i kujdesshëm dhe përpiqej që të mos binte në sy. Madje edhe gjatë kontrollit të banesës, policia nuk gjeti asgjë të dyshimtë e aq më pak lëndë narkotike.
Por në një garazh, pak kilometra larg banesës së tij, policia gjeti 40 kg heroinë. Lënda narkotike kapte vlerën 3 milion e gjysmë euro. Për autoritetet italiane, kjo është sasia më e madhe e heroinës e sekuestruar për 2019-ën deri më tani, ndërsa shqiptari konsiderohej si shpërndarësi më i madh për zonën e veriut.
47-vjeçarit shqiptar i janë sekuestruar disa telefona, e ndërsa nga analiza që iu bë heroinës së sekuestruar, rezultoi se ishte e pastër.
