Një ngjarje e rëndë ka ndodhur ditën e sotme në Sarandë ku ish-futbollisti Fredi Mërkuri ka humbur jetën teksa po luhej ndeshja miqësore e veteranëve mes ekipit të Butrintit dhe një ekipi me ish-futbollistë shqiptarë të aktivizuar në Greqi.
62-vjeçari i cili ishte portier, në një moment gjatë lojës nuk është ndjerë mirë dhe ka rënë në fushë. Menjëherë është afruar ndihma e shpejtë dhe është bërë transportimi i tij drejt spitalit, por fatkeqësisht Fredi Mërkuri ka ndërruar jetë.
Fredi Mërkuri është konsideruar si ikonat e klubit të Butrintit në Sarandë, ndërsa përveç si futbollist ai e vazhdoi pasionin e tij për këtë sport, duke trajnuar të rinjtë.
