Trupi i pajetë i 18-vjeçarit E. M., është gjetur në orët e vona të mbrëmjes së kaluar nga peshkatarët e zonës.
I riu nga Fushë Kruja kishte katër ditë që kishte humbur kontaktet me familjarët e tij. Ai kishte qenë për plazh në zonën e Shëngjinit, të “Rana e Hedhun”.
Denoncimin në polici e bëri nëna e tij, ku edhe pse kërkuan për disa ditë më radhë, nuk ranë dot në gjurmët e 18-vjeçarit.
Për gjetjen e trupit të tij u angazhuan policia kufitare dhe polumbarët e forcës RENEA, por kërkimet nuk dhanë rezultat, deri në mbrëmjen e djeshme që trupi i tij u gjet nga peshkatarët e zonës.
