Familja Meta-Kryemadhi kanë pasur një ditë jo të qetë. Monika Kryemadhi u shfaq në Kuvend, ku mbajti edhe një fjalim për rastin e Olta Xhaçkës. Më pas, nëna e saj, Fatime Kryemadhi ishte e pranishme në SPAK ku u pyet për blerjen e një apartamenti.
Nga ana tjetër, kryetari i Partisë së Lirisë, Ilir Meta, pak minuta pas daljes së vjehrrës së tij nga SPAK, ka bërë një postim në Facebook, ku lajmëron një takim pasditen e sotme me komunitetin e skraparllinjve që banojnë në Tiranë.
“Tepër e veçantë kënaqësia të takohem sot në ora 18:00 me përfaqësues të komunitetit tim të dashur të Skraparit që jetojnë në Tiranë! I ftoj të gjithë skraparllinjtë e mrekullueshëm, besnikë dhe patriotë, kudo që ndodhen, të na ndjekin live”, shkruan Meta.
Kreu i Partisë së Lirisë ka qenë mjaft aktiv ditët e fundit duke u marrë me vrap dhe palestër, por nuk ka lënë pas dore edhe komentet për ndodhitë e fundit në sferën politike, siç ishte arrestimi në Bashkinë e Tiranës. Pritet të shihet nëse do komentojë edhe paraqitjen e vjehrrës së tij në SPAK.
