Deputetja Ina Zhupa gjatë seancës së sotme parlamentare solli në vëmendje një kërkesë të grupit të Partisë Demokratike për të diskutuar një çështje të rëndësishme që ata kishin ngritur më parë përmes një kërkese për interpelancë me kryeministrin Edi Rama. Zhupa theksoi se çështja, e cila përfshin trafikimin e narkotikëve dhe marrëdhënien e policisë me SPAK, është e rëndësishme për interesin publik dhe kërkoi që ajo të futet në rendin e ditës për diskutim.
Zhupa tha: “Grupi i PD kërkoi interpelancë me kryeministrin që e mori si çështje personale… Kam 2 sugjerime. Bëhet fjalë për çështje të interesit publik si trafikimi i narkotikëve dhe marrëdhënia e policisë me SPAK.”
Gjatë diskutimit, Gazment Bardhi, një tjetër anëtar i Partisë Demokratike, u shpreh kundër ndërprerjes së fjalës së Zhupës nga kryetarja e Kuvendit, Lindita Nikolla, duke theksuar rëndësinë e diskutimit të çështjeve të rendit të ditës në Parlament. “Nuk është etike t’i ndërpritet fjala kolegëve… Ky Parlament nuk e ka për herë të parë këtë procedurë,” shtoi Bardhi.
Zhupa më pas propozoi që çështja të votohet dhe të diskutohet gjatë seancës së atij diti, duke theksuar ndjeshmërinë dhe rëndësinë e saj për procesin e integrimit të vendit. Ajo gjithashtu përmendi çështjen e një komisioni të dezinformimit, duke argumentuar se ai nuk duhet të miratohet në mënyrë të njëanshme.
