Ish-kryetari i bashkisë së Lushnjes Fatos Tushe është paraqitur ditën e sotme në ambientet e Prokurorisë së Posaçme. Ai ka hyrë në ambientet e SPAK, i shoqëruar nga avokati i tij.
Tushe është thirrur një hetim tjetër të nisur ndaj tij, pasi akuzohet për ‘Fshehje pasurie’. Tushes i janë gjetur prona të fshehura në emër të personave të tjerë.
Kujtojmë se Fatos Tushe ka qenë i dënuar më parë për ‘shpërdorim detyre’ dhe lejim të ndërtimeve pa leje. Ai u arrestua në korrik të vitit 2021 nga një operacion i ndërmarrë nga SPAK për akuzën e shpërdorimit të detyrës.
