Është dorëzuar në Kuvend kërkesa për të ngritur një komision hetimor për kryetarin e Bashkisë Tiranë, Erion Veliajn, pas plasjes së skandalit ku u arrestuan disa nga zyrtarët e kësaj bashkie. Kërkesa është dorëzuar nga Kryetari i Nismës Thurje, Endrit Shabani, i cili është anëtar i Këshillit Bashkiak Tiranë.
Shabani ka iniciuar sot kërkesën për ngritjen e një komisioni të përkohshëm që të kontrollojë proçedurat e emërimit të drejtorëve në bashkinë e Tiranës, si dhe të hetojë përse kanë dështuar mekanizmat e auditit të brendshëm përsa i përket abuzimit me tenderat e bashkisë.
Kjo kërkesë e zyrtarizuar sot, ka marrë mbështetjen edhe të anëtarëve të tjerë të opozitës në Këshillin Bashkiak.
Në kërkesë theksohet nevoja për një mbledhje urgjente të Këshillit Bashkiak dhe ngritja e një komisioni të përkohshëm që të hetojë mbi procedurat e emërimeve të strukturave drejtuese në Bashkinë e Tiranës.
