Një përplasje mes fainjësh ka çuar në të shtëna me armë zjarri në Velipojë në orët e mbrëmjes së sotme, duke shkaktuar plagosjen e një personi. Policia ka bërë të ditur se personi i plagosur është 27-vjeçari Emiljano Paloka, i cili është dërguar në spital dhe ndodhet jashtë rrezikut për jetën. Ngjarja, e cila ndodhi në fshatin Malkolaj, dyshohet se ka ndodhur mes dy fqinjëve. Grupi hetimor është në vendgjarje dhe po vijon punën për të sqaruar rrethanat e ngjarjes dhe për të identifikuar dhe kapur autorët e saj.
NJOFTIMI I POLICISË:
Shkodër/Informacion paraprak
Rreth orës 21:45, në malin e Kolajve Velipojë, në rrethana ende të paqarta është plagosur me armë zjarri shtetasi E. P., 27 vjeç, banues në fshatin Pulaj-Plazhë, i cili është transportuar për ndihmë mjekësore dhe ndodhet jashtë rrezikut për jetën.
Shërbimet e Policisë, me marrjen e njoftimit, shkuan menjëherë në vendin e ngjarjes dhe sëbashku me dy grupe të Forcës Kombëtare të Sigurisë Njësia Shkodër po vijojnë krehjen e zonës.
Grupi hetimor në drejtimin e Prokurorisë, vijon punën në vendngjarje për sqarimin e rrethanave të ngjarjes dhe identifikimin e autoreve.
