Aurelio Dervishi, 18-vjeçari i cili u vra mbrëmjen e djeshme në Shkozë është përcjellë për në banesën e fundit. Në ceremoninë mortore kanë qenë të pranishëm dhe miqtë e tij të cilët dëshmojnë se i riu nuk ishte problematik dhe punonte me babain e tij.
Njëri prej të miturve të përfshirë në konflikt ka pranuar para Policisë se në momentin e krimit ai ka patur thikë me vete. Sipas Policisë, ai ka qenë dhe autori i krimit, shkruan Shqiptarja.com. Goditja me thikë ka rezultuar fatale për të riun, i cili ka ndërruar jetë.
Tre të miturit dhe 20-vjeçari Fensis Shehu, të cilët udhëtonin së bashku me një makinë “Volkswagen Tiguan”, janë përplasur njëherë verbalisht me Dervishin dhe shokun e tij që ndodhej në timon, më pas makinat kanë ndaluar dhe ka nisur përplasja fizike, e cila ka degjeneruar me përdorimin e thikës, e cila i mori dhe jetën Dervishit. Ky i fundit ishte djali i vetëm i familjes.
Shkak për sherrin dyshohet të jetë bërë një vajzë, e cila dyshohet të ketë qenë në makinë në momentin e krimit. Vajza ka pasur parë një lidhje me një nga personat që ndodheshin në mjetin tjetër. Pas ndarjes ka nisur një lidhje të re me Dervishin, e cila u ndërpre në mes, mbrëmjen e 31 marsit.
