Një ngjarje e rëndë është regjistruar mbrëmjen e djeshme në kryeqytetin e Kosovës. Dy grupe kriminale janë përplasur me armë, ndërsa një person ka humbur jetën dhe një kalimtare është plagosur.
Mësohet se 49-vjeçarja ka qenë kalimtare dhe nuk ka pasur lidhje me konfliktin e armatosur, ndërsa gjendja e saj shëndetësore paraqitet e rëndë.
Policia e Prishtinës ka bërë me dije se po punohet për zbardhjen e ngjarjes, ndërsa njofton se dy persona janë identifikuar dhe janë shpallur në kërkim.
“Prishtinë 26.03.2024-21:20. Dyshohet se pas një konfrontimi në mes të dy grupeve ka ardhur deri tek gjuajtja me armë zjarri, ku si pasojë një mashkull kosovar ka vdekur, ndërsa një femër kosovare është plagosur dhe e njëjta është dërguar në QKUK. Në vendin e ngjarjes kanë dalë njesitet përkatëse policore. Lidhur me rastin dy të dyshuar meshkuj kosovarë janë në kërkim policor. Me vendim të prokurorit trupi i pajetë dërgohet në IML. Rasti nën procedura hetimore”, thuhet në njoftimi e policisë.
