Mëngjesin e sotëm një aksident është regjistruar në Berat, në vendin e quajtur “Kthesa e NSHG-së.
Raportohet se një motor, gjatë hyrjes në kthesë është përplasur me një makinë, duke u përplasur fort, aq sa motori është ndarë më dysh.
Fatmirësisht, drejtuesi i mjetit ka shpëtuar pa lëndime, pasi ai është rrëzuar nga motorri para përplasjes me bordurën.
Kujtim Mbrakulli është paraqitur në Spitalin Rajonal të Beratit dhe më pas është larguar drejt banesës së tij, pas marrjes së nevojshme të mjekimit.
Efektivë të policisë rrugore kanë shkuar në vendngjarje, ku edhe po kryejnë veprimet e para hetimore në lidhje me ngjarjen.
Sipas burimeve në vendngjarje,bëhet me dije se shkak për aksidentin ka qenë lëvizja e motorrit, që i ka prerë rrugën makinës, gjatë hyrjes në kthesë.
Fatmirësish, as drejtuesi i makinës së përfshirë në aksident nuk ka pasur lëndime.
