Lideri i opozitës, Sali Berisha ka mbajtur sot në mbrëmje fjalën e tij në tubimin qytetar, teka ndodhet në “arrest shtëpie”. Ai ka deklaruar sebuxheti i shtetit po shkon për investime korruptive të qeverisë Rama.
Berisha tha, se sikur një e shtata e shpenzimeve të buxhetit të shkonin për qytetarët, rrogat dhe pensionet rriteshin me 50 %.
“Të dashur miq, sot parlamenti trajtoi ndër të tjera një seri problemesh. Por përsëri, narko-qeveria injoron në mënyrën më totale qytetarin dhe qytetarët. Buxheti i këtij viti parashikon rreth 7 miliardë euro shpenzime.
Në qoftë se një të shtatën e kësaj shume, në këto kushte, do vendosnin t’ia kushtonim qytetarëve, brenda një muaji të gjitha rrogat dhe pensionet në Shqipëri do rriteshin me 50 përqind.
Pra, në qoftë se edhe në vitin e ardhshëm, duke vendosur investimin tek qytetari të parin, do t’i rrisnim, do të përkushtonim një të shtatën e shpenzimeve, pensionistëve, rrogëtarëve, rrogat dhe pensionet do rriteshin 100 përqind krahasuar me këtë vit”, u shpreh ai.
