Disa qytetarë mbështetës të opozitës janë përplasur me policinë përpara shkollës “Ibrahim Rugova” në Kamëz, ku është vendosur edhe KZAZ nr. 27. Qytetarët kanë dashur të hyjnë brenda dhe të largojnë me forcë materialet zgjedhore që deri më tani nuk janë hequr.
Nga ana tjetër Policia e Shtetit ka ndërhyrë duke hedhur gaz lotsjellës për të shpërndarë turmën e qytetarëve.
Pranë KZAZ-së është parë nënkryetari i bashkisë së Kamzës, i cili po kërkon nga efektivët e policisë të hyjë në ambientet e brendshme të KZAZ.
Në Shkodër, Tropojë e Kavajë janë shënuar incidente, ndërkohë që situata është e tensionuar edhe në Kukës dhe bashkitë e tjera të drejtuara nga PD.
