Dita e sotme është një ditë e rëndësishme për shtetin e Kosovës, pasi përkujtohet 26-vjetori i Epopesë së UÇK-së.
Kuvendi i Kosovës sot mban seancë solemne me rastin e kësaj dite, ku të pranishëm në seancë janë edhe krerët e shtetit të Kosovës. Seanca ka nisur me nderimin e himnit shtetëror të Kosovës dhe himint kombëtar.
Po ashtu, ligjvënësit dhe të pranishëm në Kuvend kanë nderuar me një minutë heshtje të gjithë të rënët për pavarësi.
Presidentja e Kosovës, Vjosa Osmani, në fjalimin e saj, tha se epopeja e UÇK-së përcaktoi fatin e populli dhe shtetit, duke shtuar se ka qenë epope e dinjitetit, krenarisë dhe lirisë.
“Sa herë vjen marsi, kujtimet tona natyrshëm na kthejnë në periudhën më të lavdishme të historisë tonë që lidhet me përpjekjet tona për liri dhe shtet. Sërish vjen marsi, nuk është vetëm këngë, është moto e kujtesës dhe nderimit ë luftës për liri. I cili identifikohet me komandantin legjendar Adem Jashari, familjen e tij dhe gjithë ushtrinë çlirimtare”, tha Osmani ndër të tjera.
Ndërsa kryeministri i Kosovës, Albin Kurti tha se Epopeja e UÇK-së përmbledh një trashëgimi të madhe politike, kulturore e kombëtare nga e cila ka ardhur liria e Kosovës dhe mbi të cilat është ndërtuar vet shteti i Kosovës.
“Nga po kjo trashëgimi është ngritur dhe po forcohet shteti ynë”, tha Kurti, duke shtuar se e ka fjalën për trashëgiminë e dalë nga rezistenca e armatosur e aktivizimi politik përgjatë dekadave.
Tragjedi në Shkëmbin e Kavajës: Humbi kontrollin e motorit të ujit, ndërron jetë turisti nga Gana, në rrezik shoqëruesja
Një ngjarje e rëndë është regjistruar paraditen e së dielës në zonën përballë Shkëmbit të Kavajës, ku një turist nga...
