Kryeministri Edi Rama ka inspektuar nga afër sot punimet për ndërtimin e Automotoparkut në Elbasan, i cili do të jetë i pari në Shqipëri. Sipas Ramës, ky projekt është një hapësirë e re cilësore dhe se është një mundësi e re e jashtëzakonshme për sportet automotoristike, si edhe eventet ndërkombëtare të niveleve më të larta.
“Është një promovim shumë i madh për të gjithë Shqipërinë, kështu që duhet të bëjmë paralelisht dhe një projekt për të gjithë sistemimet rreth e rrotull, që do të thotë dhe për shtëpitë rreth e rrotull, për peisazhin, mbjellje pemësh, një pamje që të jetë e gjitha një pamje e një vendi tërheqësh. Duhet pasur parasysh që të gjithë segmentet me anën estetike të lartë”, tha ndër të tjera Rama.
