Alten Jolldashi, i cili u plagos dje në Pogradec, është transportuar në Qendrën e Traumës në Tiranë për trajtim të specializuar. Mjekët e spitalit të Pogradecit raportojnë se ka tri plagë: një mbi gju, një në dorë, dhe një në pjesën e kraharorit, pa prekur organet jetësore.
Sipas burimeve policore, Jolldashi është goditur me armë zjarri në vendngjarje. Konflikti nuk ka qenë i momentit, pasi tre djemtë po diskutoheshin për një konflikt të mëparshëm. Dyshohet se Jolldashi ka hapur zjarr ndaj djemve të tjerë, duke shkaktuar një kundërpërgjigje.
Ngjarja ka ndodhur në një zonë të banuar të Pogradecit, në një orar me lëvizje intensive të banorëve. Banorët jashtë kamerave kanë dëshmuar se ngjarja ka ndodhur shpejt dhe ata vetë kanë përjetuar rrezik nga plumbat. Plumbat janë gjetur edhe poshtë mjeteve të parkuara.
