Policia dhe FNSH kanë ngritur postobllok në hyrje dhe në dalje të qytetit të Vlorës. Mësohet se po ushtrojnë kontrolle për persona të shpallur në kërkim dhe për armë. Kontrollet janë shtuar ditën e sotme edhe pas vënies në pranga të Armando Sulejmanit në Durrës, në kuadër të operacionit “Zëvendësimi”. Ky i fundit, person me precedent të theksuar kriminal,që iu ka shpëtuar disa atentateve ka qenë pjesë e bandës së Gaxhait.
Deri në këto momente, konfirmohet se qëllimi mbetet kontrolli, ndërsa nuk ka ende informacione për të shoqëruar apo të ndaluar.
Personat e dyshimtë janë ndalur nga policia dhe ju janë bërë kontrolle. Deri më tani policia nuk ka dhënë një njoftim për aksionin në fjalë.
