Gjykata e Posaçme për Korrupsionin ka vendosur që të shtyjë seancën në lidhje me kalimin ose për gjyq të dosjes “Buka” të ish- zv. kryeministrit, Arben Ahmetaj.
Seanca është vendosur që të mbahet me 16 shkurt. Kujtojmë se Ahmetaj është shpallur në kërkim për çështjen e inceneratorëve, pasi akuzohet për shpërdorim detyre.
Dje në një intervistë të dhënë për herë të parë për mediat shqiptare, Ahmetaj, nga arratia lëshoi akuza në drejtim të kryeministrit Edi Rama, ndërsa theksoi se po përdorej si ‘kokë turku’, ndërkohë nuk kurseu as Erion Veliajn duke e bërë përgjegjës për inceneratorin e Tiranës.
