Banorët e ish-Komunales në Tiranë protestuan sot para bashkisë, pasi që nga viti 2019 kishin ngelur pa shtëpi si pasojë e tërmetit.
Duket se i menjëherëshëm ka qenë reagimi i Bashkisë Tiranë e cila ka vendosur që të strehojë këto 40 familje që kishin ngelur nën qiell të hapur.
Top Channel bën më dije se bashkia do të ndihmojë edhe familjet që nuk paguanin as qiranë e lidhur me Entin e banesave. Gjithashtu mësohet se të gjitha familjet do të marrin bonus qiraje dhe banesë sociale.
Megjithatë, për familjet e skualifikuara përmes një urdhri të kryebashkiakut Erion Veliaj, është gjetur zgjidhja nga Bashkia e Tiranës, e cila ka vendosur të vijojë me nënshkrimin e kontratës së qerasë, pa asnjë tarifë, për familjet zaptuese të godinës së ish-Komunales në Njësinë 4.
